कळले तुला न तेंव्हा

कळले तुला न तेंव्हा, माझा आधार होता

हा जीव तुझ्यासाठी, माझा उधार होता

माझ्या मिठीत मी तुला, दिलेला आकार होता

दैवावर रुसण्याचा तुझा , रुसवा टुकार होता

शरीराच्या पलीकडल्या , प्रेमाचा सार होता

माझ्या अंतरीचा तो, छुपा होकार होता

छळणारा हुंदकाही, जीवाला घोर होता

अश्रूंनी काळजावर, कोरलेला प्रहार होता

आभाळ रंगविण्या , का तुझा खार होता ?

जगण्याच्या नियमांना, माझा नकार होता

फुलांसह फुलण्याचा, तेथे अभिभार होता

जो केला वार मी तो , वारही सुमार होता

जपलेल्या जखमांना , सुखाचा भार होता

नियतीशी झोंबताना, माझा डकार होता