खुळखुळा

वेश त्यांचा वेगळा अन देशही वेगळा
देव त्यांचा वेगळा श्वास आमुचा वेगळा

देवळे उभारली त्यांचा पाडुनी उभ्या शाळा
उरला आमुच्या हाती आभाळाचा फळा

नको बळ आता उरल्या दुख्खाच्या कळा
जो तो इथे दाबतो हुंदका हा कोवळा

बसे जाऊनी संसदी गल्लीतला बावळा
वेगळा दिसे सिंहासनी कालचा कावळा

आमुच्या ढेकरांनी करपे त्यांचा मळा
नुसत्या पादन्याचाही ते करती सोहळा

फासुनी भाळी नीळा लावला आम्ही  टिळा
कमरेस आता कधीचा खोचला मी विळा

लढन्यातच जरी गेला सारा जन्म खुळा
जगही बदलू शकतो वाजणारा खुळखुळा